جمہوریت کی کامیابی عوام کی خوشحالی سے مشروط ہے:
جمہوریت کی کامیابی عوام کی خوشحالی سے مشروط ہے:
پر تاپ گڑھ۔
جمہوریت کی اصل کامیابی اُسی وقت ممکن ہے جب ملک کی عوام ترقی، خوشحالی اور باوقار زندگی کی جانب آگے بڑھے۔ تعلیم، صحت، معاشی ترقی اور سماجی انصاف جیسے بنیادی شعبوں پر توجہ دیے بغیر نہ تو بہتر معاشرہ تشکیل پا سکتا ہے اور نہ ہی مضبوط ملک کی تعمیر ممکن ہے۔ جب عوام خوشحال ہوگی، تبھی جمہوریت اپنی حقیقی روح کے ساتھ کامیاب کہلائے گی۔
ان خیالات کا اظہار سرائے بھارت عرف ہولا گڑھ کی خاتون گرام پردھان آشنا پروین نے کیا۔ وہ پنچایت بھون میں منعقد 77ویں یومِ جمہوریہ کی تقریب میں پرچم کشائی کے بعد دیہاتیوں سے خطاب کر رہی تھیں۔
اس موقع پر گرام پردھان آشنا پروین اور ان کے شوہر منّا انصاری نے گاؤں میں باہمی بھائی چارہ، اتحاد اور یکجہتی برقرار رہنے کے لیے دعا کی۔ تقریب کے دوران سردی سے بچاؤ کے لیے گاؤں کے سیکڑوں ضرورت مند افراد میں گرم کمبل تقسیم کیے گئے اور انہیں عزت و احترام کے ساتھ نوازا گیا۔
گرام پردھان نے جمہوریت کے چوتھے ستون کہلانے والے صحافیوں کو بھی اعزاز سے نوازتے ہوئے سماج میں ان کی خدمات کو سراہا۔
یومِ جمہوریہ کے اس جلسے میں بالخصوص معراج احمد، پنکج کوٹیدار، رام لکھن موریہ، ڈاکٹر لطیف، ججّے موریہ، دیپ چند کیسروانی، تبریز عالم، محمد معراج، پنکج کمار، راہل کیسروانی، متھیلیش کماری سمیت بڑی تعداد میں گاؤں کے لوگ شریک رہے۔ پورا گاؤں حب الوطنی، جوش و خروش اور بھائی چارے کے ماحول میں یومِ جمہوریہ کا جشن مناتا نظر آیا۔
Comments
Post a Comment